本地首部3D製作嘅三級片，據聞投資咗幾千萬落去做後期3D，相信女主角嘅巨乳，一定喺畫面上呼之欲出，而今次同過往嘅系列作品，究竟有乜嘢唔同嘅地方？今日就同大家分享一下！
《肉蒲團》係中國著名嘅色情文學小說，今次嘅戲名用番原名《肉蒲團》，正好配合電影多「肉」嘅特點。而過往《玉蒲團》電影作品，大家印象最深刻嘅，應該係由葉子媚主演嘅《玉蒲團之偷情寶鑑》。
呢部亦係第一部《玉蒲團》電影，故事以原著為藍本，男主角係吳啟華，而導演就係麥當傑，其他女主角就有周弘同埋村上麗奈，喺1991年上映，當年票房高達1,800萬，堪稱本地三級片之最，由於票房大收，於是同類嘅作品，開始跟風搶拍。
要數第二部嘅系列作品，就要到1996年，由錢文錡執導嘅《玉蒲團之玉女心經》，女主角係當年剛剛出道嘅舒淇同埋李麗珍，男主角就係駱達華同埋徐錦江，當時票房都唔錯，雖然突破唔到第一部嘅紀錄，但就令舒淇喺香港影圈漸漸走紅。
至於第三部就要到1998年，由王晶監製、張敏執導嘅《玉蒲團之官人我要》，女主角卡士較單薄，比較熟悉嘅只得鍾真，其實由第二部《玉蒲團》作品開始，就已經冇跟原著故事發展，之後仲有十幾部掛《玉蒲團》名字嘅電視電影推出巿場。
轉眼十幾年，今次嘅作品絕對可以用卡士強勁嚟形容，幕後大腦有蕭若元，而導演孫立基，喺香港廣播界知名度甚高，至於主角方面，兩位本地嘅男女主角葉山豪同埋雷凱欣就人氣急升，日日都有新聞見報。
至於外援則有大家都好熟悉嘅人氣AV女優周防雪子同埋原紗央莉，近日周防雪子更嚟咗香港幫電影做宣傳，深受粉絲們嘅歡迎，可惜原紗央莉近期報稱鬧情緒，仲話要宣布引退，話唔定呢套作品會成為她最後一部嘅三級片。
今次呢套電影同過往《玉蒲團》系列嘅作品比較，可以話十分突出，主要係3D立體拍攝，出嚟嘅畫面自然較清晰，真係要落足眼力呀！
撰文：小德