家陣進入咗網絡時代，大家生活上離不開互聯網，所以好多商業宣傳攻勢亦於網上展開，而美女嘅人氣亦需要用互聯網催谷，不過先決條件要索到啪啪聲先得，就好似林柯彤咁！今年22歲嘅林柯彤又名小龍女彤彤，出生於湖北，天生一副好身材，除咗有5呎8吋高，仲有35-24-34嘅三圍，所以早幾年已經踏入模特兒界。其後由於阿妹天生麗質，所以相片被瘋傳上網，因而成為網絡紅人，兼得到網絡第一美女之稱。後來，由於彤彤在內地網絡無人不識，網絡遊戲商就成日為佢拍宣傳片，所以又有網絡遊戲第一美女之稱。不過，人怕出名豬怕肥，林柯彤就係因為太出名，所以相片被北京知名俱樂部天上人間盜用，令人一度以為阿妹兼職做公關。幸好，天上人間方面知錯，仲對阿妹作出道歉，咁先冇令彤彤蒙上污點咋。而大家如果想欣賞彤彤嘅極品寫真，上佢個網頁就冇走雞喇。