好多人對蒙古人嘅印象都好模糊，除咗因為以前大家都當蒙古人係外族之外，亦認為蒙古人仲以遊牧方式生活，日曬雨淋皮膚偏黑，所以唔會認為蒙古會有靚女。不過，大家如果認識劉朵朵，就一定會改變呢種諗法喇！家陣已經躍身成為一線模特兒嘅劉朵朵，天生麗質，有樣貌、有身材，皮膚仲又白又滑，阿妹不止靚，仲氣質不凡，生得同內地著名女星范冰冰非常相似，所以有山寨版范冰冰之稱！劉朵朵未踏入模特兒界之前係護士，後來兼職做模特兒，之後作品令大家驚為天人，於是就開始人肉搜尋，令劉朵朵一度紅爆網絡，之後，阿妹就正式入行做咗模特兒。由於劉朵朵唔單只靚女，仲談吐有禮，儀態萬千，所以，近年被各傳媒單位邀請佢主持節目，大家要欣賞朵朵嘅寫真以及主持實況，就不妨留意佢嘅博客喇。