為咗滿足客人，內地桑拿技師除咗用上自己嬌美嘅胴體外，仲會用上不同道具，好似冰粒、熱茶、按摩油等等，不過最近更有技師出動到私伙震蛋，兼且充當導師教客人點用添！
近年內地急速發展，令唔少省市嘅消費指數急升，大家如果有北上消費嘅習慣，就會發覺近期深圳一帶嘅食肆同骨場，消費上都有唔少升幅，以前使一百蚊就食得又飽又豐富嘅情況已經唔再有喇。雖然係咁，內地好多商品，價錢都仲係平過香港一大截，除咗大家好鍾意睇嘅書籍之外，情趣用品又係平到笑。因為，內地好多廠開始生產情趣用品，大家如果用互聯網上過內地嘅購物網站，就知道廣州一帶有唔少工廠出產情趣用品，而且質量同外國產品差唔多，但係價錢都係十幾二十蚊，雖然一次要買十件，但係圍番條數都平過人。由於內地嘅情趣用品咁平，所以內地人愈來愈接受呢類成人玩意，就連桑拿場嘅技師，唔少都會添置一兩件作為秘密武器，目的梗係為咗冧客啦！朋友B早前去到常平幫襯桑拿場，就意外地享受過情趣震蛋嘅滋味喇。
朋友B得知政府公布咗派錢嘅消息之後，同班兄弟真係心花怒放，雖然筆錢有排都未到手，但係就決定北上消費，嚟個先使未來錢，好等自己一直谷谷埋埋嘅精力有機會好好發洩。一眾兄弟浩浩蕩蕩咁往夜蒲熱點常平出發，去到之後大家先飽餐一頓，打個邊爐，食吓羊肉補充陽氣，同時飲幾杯白酒暖一暖身，令精神同體力都得以活躍起嚟，然後先去桑拿場玩番夠本。去到之後，食物剛好落晒格，一坐落休息區就叫經理安排入房，由於手頭鬆動，所以眾兄弟都點個模特兒套餐，因為模特兒級別嘅技師，質素絕對有保證，服務同技巧亦有高水準。朋友B同模特兒技師入到房，技師就招呼佢坐低，跟手就去小舞台攬住支鋼管跳一陣艷舞，期間技師對鋼管又攬又錫，兼且伸埋條脷出嚟作狀想舔，意淫到令朋友B火氣上湧，生理反應異常強烈。
技師一邊跳舞，一邊剝衫，不過由於套制服繩索較多，技師就搞到手忙腳亂，而呢個時候，朋友B就手多多，見到技師嘅手袋就伸手去摷，居然畀朋友B搵到支輕巧型嘅震蛋出嚟！技師見到之後，並冇責怪朋友B猶如鼠竊狗偷嘅行為，反而向佢表示，沖完涼之後就示範點樣玩法。朋友B成世仔都未同女伴玩過震蛋，心情又緊張又興奮，導致佢同技師玩鴛鴦浴嘅時候，雙手亦非常唔規矩，不斷對技師上下其手，令技師動真火，於浴室內用口將朋友B先行引爆。二人轉戰床上之後，技師見朋友B剛剛先爆發完，需要時間回氣，於是就拎出震蛋表演自娛，仲用鶯鶯聲線話畀朋友B知道，震邊一個位置先令女仔最興奮。技師自我感覺良好，見朋友B亦躍躍欲試，於是技師就將震蛋刺激朋友B嘅要害，令朋友B爽到大叫！不過，技師並冇用震蛋令朋友B爆發，而係玩騎乘位為整個服務嚟個美滿嘅總結。
撰文：賢