大光明：我最近認識咗個新女友，佢熱情如火，一晚可以同我大戰四五個回合，而且功夫仲好到家，全部自動波，唯一缺點就係全身長毛，令人感覺怪怪！
赤小豆：奉勸你驗清楚佢係男人定係女人呀？如果係正常女人但體毛咁多，睇嚟佢嘅性荷爾蒙一定比普通嘅囡囡強，你兩個喺埋一齊，注定以後晚晚都會冇覺好瞓。
豆花妹：畀我就接受唔到囉！摸落去全身都有毛，你唔覺得好似摸緊個男人嘅咩？諗起都起晒雞皮，建議你叫女友快啲激光除毛，如果都冇效，咁真係冇人幫到你！
笨占：做兄弟咪話唔同你講真心話，兩個人喺埋一齊，最啱要夾，如果各方面都夾得到，咁有毛又有乜所謂，唔怕同你講，我隻乸唔只有毛，仲有鬚添呀！勁呢！