手痛真係影響好大，做乜都做唔到，身處美國嘅脫星都有同感。事關阿妹都試過雙手受傷，不但無法戴胸圍，連T-Back都冇力剝，心理嚴重受創，真正女人最痛！
因為一支潤滑油，搞到脫星Billy Raise雙手手骨移位，由手指包到手臂，完全失去自理能力，但阿妹從無考慮離開四仔界，更希望用自己經歷，叫大家凡事小心。話說阿妹兩年前喺泳池邊拍一幕戶外性戰，當時導演要求佢手執一盆潤滑油，由泳池邊行去長椅為男優玩波哋，期間鏡頭影住身穿比堅尼嘅Billy Raise「Big波蕩漾」嘅淫相，藉以挑逗四仔迷性幻想，點知因泳池邊太過濕滑，阿妹當時又穿着超高高踭鞋，結果失重心一跣，整個人向前仆，手㬹先鋤落地，而打瀉嘅潤滑油更將阿妹跣入泳池，送院後證實阿妹手部嚴重受創，要做手術！受完皮肉之痛，滿以為可安心休養，奈何Billy Raise雙手包到似木乃伊，要看護廿四小時照顧起居。
獲公司賠償之餘，仲出埋錢照顧，Billy Raise理應感到安慰，奈何人有尊嚴，大小二便畀人睇住的確好醜。有次阿妹去覆診，人有三急，於是靠自己上廁所，幾經辛苦至抽起條裙，但由於T-back太貼身，捽極都唔甩，阿妹決定放棄，點知回程途中，竟然忍唔住失禁！
康復後嘅阿妹主動重返四仔界，意志更非常堅定：「我痛定思痛，喺休養期間諗到其實四仔界有好多陷阱，例如性病或高難度姿勢會傷害男女脫星，因此我要以身作則，提醒各位在職人士行事要小心謹慎，唔希望意外再次發生！」Billy Raise咁有心有力，難怪脫星上下都咁尊重佢，有今日成就值得各位佩服！
撰文：祖