新加坡女人係咪全球最完美妻子？報道指一個國際約會網站撰文，力撐當地女人溫柔、傳統、漂亮、操流利英語兼性事主動，認唔認同則是見仁見智，但美國脫星Alisha King就話難以置信，阿妹劈頭一句話只要性事主動就算完美，難怪佢以完美對手自居啦！
完美妻子標準點定？若然以呢個網站條件計算，好多地方嘅人都可以打入三甲，但脫星Alisha King則認為，除咗性事上可以統計外，其餘條件都非常虛無。阿妹解釋：「就以溫柔嚟講，對住情人當然要溫柔啦，相反對住情敵又係咪仲要保持溫柔呢？又講思想傳統，點樣叫傳統，主動求歡係咪傳統？假如係，咁即係自摑嘴巴啦！再講漂亮，每個民族審美眼光都唔同，有人愛黑愛肥、有人愛白愛瘦，我認為調查太唔全面，其實只要性事主動，經已稱得上完美妻子啦！」一講到完美又冇自己份，難怪Alisha King咁勞氣，但唔代表佢講得唔啱，反而更想了解性事主動嘅標準添！
脫星指性事主動就係完美妻子，似乎有利益衝突，但Alisha King表示，就算佢唔係脫星身份，一樣會覺得性事排第一。阿妹話：「每對夫婦都需要性生活，視乎多寡及玩法，假如一對冇性愛嘅夫婦，你認為感情會有幾好呢？因此我覺得衡量妻子或丈夫是否完美，首要清楚交代有否圓滿性生活，以一對普通新婚夫婦計算，一星期平均會搞三劑，當中兩劑由男士主導，一次由女性提出，咁已經非常完美，到咗中年，一星期一劑，步入老年一個月一劑，有就完美，冇就唔完美，但並非不幸！」Alisha King嘅完美論有待消化，但佢自言性事上係完美對手，皆因佢熱愛性事，亦因為太愛同陌生男人發生關係，情願做脫星都唔嫁人，無謂傷對方嘅心，咁究竟阿妹呢個諗法又係咪完美呢？
出生日期：1986年5月27日
三圍：34D、24、34
身高：5呎6吋
撰文：祖