英國七十二歲耆英藝術家Ian McCean老來得女，究竟係好事定壞事？而脫星April O'Neil就認為壞事居多，阿妹更決定三十歲前要生仔，否則情願寧缺莫生，領養孤兒好過喎！
中國人話有仔趁嫩生，但冇話過要幾嫩，更冇話中女就唔好生，脫星April O'Neil劈頭一句話，年過三十就寧缺莫生。似乎偏激咗喎，究竟阿妹為乜要咁快下結論呢？April O'Neil解釋：「七十二歲一索得女，本來係值得高興嘅事，可惜現實係年紀大、機器壞，隨時粒聲唔出，兩腳一伸，入土為安，本來幸福嘅嬰兒眨眼變孤雛，即使畀你有過百歲命又如何，再過幾年，自己都百病纏身，連行路去廁所都要人扶，咁個嬰兒又邊個去照顧呢？就算再有錢，都一樣係請人去照顧老嫩，一家人冇經歷、冇分享，咁又何幸福之有！」April O'Neil所講嘅查實亦係外界所諗，只不過冇人夠膽講出口，脫星果然有種！
April O'Neil認為仔女咪亂生，更自定三十歲前要生仔，距離「大限」仲有七年時間，唔使咁快對外公布吖？April O'Neil話：「呢個只不過係一個警惕，同時亦呼籲各界生仔切勿太自私，為咗滿足自己而亂生仔，希望大家要三思，甚至四五六七思至好做！其實世界各地都有好多孤兒需要人愛，點解唔先考慮去領養或助養佢哋呢？領養仲可以畀自己一個機會，體驗做父母嘅責任，相反毫不考慮就生件出嚟，到時自己未做到，話唔定又製造多一個苦海孤兒出嚟囉！」April O'Neil果然係生仔「大淡友」，對於生兒育女一面倒吹淡，但亦正好制衡一下啲無責任感嘅男女，有仔咪亂生呀！
出生日期：1987年4月7日
三圍：32C-23-32
身高：5呎1吋
撰文：祖