呢排我成日唱「無盒就一身輕」，乜嘢叫做「盒」，咪即係飯盒囉！有啲玩家鍾意留住個飯盒，鍾意幾時開餐就幾時開餐，去到夜總會搵唔到哎呀女友時，叫個飯盒出嚟玩亦得。不過咪以為有個飯盒好過癮，萬一搵着個黐身又唔熟性嘅飯盒，到時就麻煩喇！
好似我個老友咁，話說月初趁住有幾日假期，就同我哋成班人，拉隊齊齊嚟個四日四夜長「精」之旅，諗住漫遊成個廣東省嘅夜遊重鎮，去到邊時玩到邊。點知佢好唔生性，第一日去到HZ時，居然叫埋個飯盒一齊嚟玩。本嚟老友嘅原意係玩一晚就算，點知去到第二日，呢個囡囡趕極都唔走，加上老友又係個耳仔軟嘅人，結果畀個飯盒黐咗埋身。咁都算嘞！事關個飯盒質素都唔差，玩多日都無妨。
點知到咗第三日，我哋成班人去到CP，亦即呢個飯盒嘅主場，佢居然自把自為，叫咗成班姊妹去KTV度唱K，最慘就係佢班姊妹，個個唔係速龍，就係三角龍，珍禽異獸乜都有！若果唔係畀面老友，我哋早就拉隊離場，結果畀佢哋搞到我哋十點幾。望吓隻錶，家陣去夜總會早就水盡鵝飛，結果齊齊去桑拿揼骨就算。到咗第二朝，我哋成班人就撇底老友，偷雞去第二個地方繼續遠征，費事最後嗰日都要畀佢個飯盒搞住晒！
撰文：大軍