過江女神：馬交派金龍百發百中
本地再爆旅遊醜聞，「翻版阿珍」同團友「打成一片」，結果成為全國新年笑話，內地網民更抽水杯葛香港過馬交。講得啱！作為香港特區子民，細佬都舉腳贊成過澳門特區梳乎，好似×龍夜總會咁，呢期有女陪玩仲有獎抽兼且保證中獎，名副其實百發百中，認真好意頭，使乜畀人逼你購物咁蠢豬啫！
大派獎品
呢期馬交不只賭業撈得風生水起，連夜遊界都唔憂做，早前各大夜總會骨場趁新春搶客，於是搞大大小小抽獎活動，結果有夜場玩到一半已決定提早收檔，事關生意額太好，人客多到做唔切，獎品晨早派清，為免入場人士鼓譟，情願有錢都唔賺喎！但呢邊廂X龍夜總會就一於冇有怕，由年三十晚玩到正月十五，負責人更表示，原定玩幸運輪轉中至有獎，但現場所見有人客失望而回，為求新正頭齊齊開心過年，有理冇理都大派獎品，可惜細佬當日冇在場，否則必定攞獎品攞到手軟。
幸好抽獎遊戲玩到初十五，即係本月17晚舞時段止，據講獎品更加碼，本屬四獎嘅紅酒乙支已變成安慰獎，照咁講，只要人客入場幫襯一轉，就有紅酒拎！而大獎依舊係足金金龍，夜場新春期間已送出6隻，雖然唔知有幾両重，但明顯好易中，唔抽就笨囉！
志在開心
至於整過新春期間都Keep住開工嘅PR寧夢就話，親身見證過三位人客中足金金龍，寧夢話：「同往年唔同，呢個幸運輪細咗，但中獎機會大咗，且獎品更貼心實用，好似大號洋酒及茶舞套票甚至紅酒、啤酒咁，客人全部可以即中即用，志在大家開心。至於足金金龍，起初我都以為得一隻，誰不知送極都有，難怪客人尋日中完，第二日瞓醒又嚟玩過啦！」
新年有獎當然開心，但作為消費者，入場玩最首要啲女掂喎！照現場所見，有寧夢咁嘅質素都唔少，人哋馬交有獎抽又有女溝，相反，香港未過年港島龍頭夜總會就無聲摺埋，本地嘅旅遊業，就算冇打鬥事件，睇怕都唔好得幾耐囉！
寧夢小檔案
三圍：34、24、33
身高：5呎4吋
撰文：祖
攝影：昌