每個場都有規矩，人客唔順可以唔嚟，但入得場就要遵守。近日我老友上東莞一間骨場，經理話有新規矩，講明人客唔可以問囡囡攞電話，一經發現要即時埋單兼踢走，講得誇張，但似乎冇人會驚囉！經理話：「主要都係先小人後君子，事實年終有唔少紅牌都被客包走咗，有啲女三四個月後至返工，搞到個場啲女亂晒龍，雖然人客要攞電話骨場控制唔到，但我哋畀咗警告人客同囡囡，若然畀公司發現就會做嘢！」
「做嘢」兩個字，經理講得咁神秘，相信都唔慌好嘢。究竟會點做對方死口唔講，淨係話聽聞隔籬場曾有件震驚骨場界事件，一位人客曾包走骨場女，喺常平租屋同居，結果七日唔夠間屋燒通頂，男方食飯期間無故遇襲，身體多處受傷，女方就收到恐嚇短訊，全部都係囡囡離開骨場後發生。咁多巧合，你猜最大嫌疑會係邊個？姑勿論真假，呢啲故事喺骨場界流傳，簡直係一種白色恐怖。
撰文：大軍