近年由於數碼攝影器材普及，鍾意攝影嘅朋友亦愈來愈多，因此亦令香港同內地都出現好多龍友。一班志同道合嘅龍友公餘嘅活動，最好就梗係夾錢租一個模特兒四圍影相啦！不過，所謂嘅模特兒並唔係全部都咁專業，動作生硬，表情又唔多變化，想佢露少少又唔露，唔想佢露就連底線都露晒，真係激到火都嚟！
可能正因為太多模特兒唔夠專業，有見及此，內地較早前就舉行咗第一屆職業攝影模特兒大賽，藉此發掘有質素又夠索嘅美女模特兒。當日，一班鬥志高昂嘅美女模特兒，先以泳裝上陣騷一騷身材，再換上自選服飾跳舞同行天橋，舉手投足都顯出無比熟練，令現場氣氛相當熱烈！而內地一個名為博客中的新聞集散地嘅博客，就已經將咁精彩嘅現場實況一一收錄，唔睇就走雞喇！
網址：http://qilianmin.blog.163.com/blog/static/145520489201011941152363/?formlife
撰文：賢