外國人好趣怪，人都未死就鍾意出回憶錄，兼且不論各行各業，只要係人就可以，就好似有「紐約第一名妓」之稱嘅麥克倫南，樣正身材正唔使多講，阿妹仲諗住將過往賣淫經歷出書，撈番筆退休。而同樣靠賣肉搵食嘅脫星Milly Moris，都話要出番本咪咪進化寫真分杯羹喎！
呢位「紐約第一名妓」早前至被執法部門控告賣淫同企圖洗黑錢，轉個頭又話出書大爆性史，假如喺中國人眼中，阿妹簡直係無道德兼無恥添！哈，但不講不知，阿妹交易每小時收費高達一萬五千港元，等於不少打工仔嘅月薪，呢個時候我哋又會話笑貧不笑娼，所以阿妹你放心好喇！之不過脫星Milly Moris就擺明抽水，事關佢冇賣淫又冇賺過大錢，純粹食住賣淫熱嚟賺錢，推出一本《Milly Moris之咪咪進化》，阿妹你點解釋先？「我入行都超過五年，曾拍過千寫真，咪咪亦不停脹大，相信不少影迷都想回味我不同年代嘅咪咪變化，因此我決定要出本寫真，流芳百世！」Milly Moris你當自己係瑪麗蓮夢露咩？
Milly Moris表示，咪咪進化寫真已進入最後階段，現正親自挑選最正嘅歷代寫真，執相後排版就可以攞去印，而阿妹仲諗咗條絕橋宣傳，佢話寫真出街之日，正係咪咪變大之時，言下之意，佢正考慮再次隆胸，將經已係DD Cup嘅巨咪變成「3D」，當係賀寫真出街喎！Milly Moris話：「呢個諗法非常有創意，一邊欣賞我歷代寫真，同時又見證我咪咪再度發育，絕對係賞心樂事，相信寫真同四仔新作都會大賣！」學Milly Moris咁，做人邊使講咁多道德，最緊要荷包腫脹就得啦！
出生日期：1980年6月15日
三圍：37DD、24、36
身高：5呎7吋
撰文：祖