AV女優退役後出路唔多，命好嘅可以喺電視台搵到表演機會，年紀大少少嘅大多跳艷舞求存，運滯嘅女優可能要到風俗店搵食。時代唔同，依家早出道嘅女優退役後都好識諗，會自我增值，動腦筋自我宣傳，絕對唔會坐以待斃。
呢位退役叻女掌門人就係古都希路卡，佢03年出道時只有18歲，當年一年嘅總銷量達百萬，成為一時佳話。不過，佢好快就放棄唔再玩，幸好她有拍水着寫真，影迷惟有睇住寫真集望梅止渴。今年佢嘅粉絲喺網上爆料，原來佢兩年前已開始用Cotorich之名喺youtube建立自己嘅影像日記。天生表演欲強嘅古都妹次次都喺鏡頭前有突出表現，影迷不但無畀佢嚇親，反而拍手叫好。
其實古都妹之前已喜歡喺網上發功，喺佢退役後嘅一陣子，曾喺youtube 露自己的腋毛，那時已有不少影迷預料她的「騎呢片」會陸續有來。
不出影迷所料，古都妹嘅表演一次比一次「騎呢」，最近嘅代表作有扮龍珠奸角「菲利」的默劇短片，該片無露肉，無對白，單是「菲利上身」，點擊已達25萬，證明古都嘅無厘頭風格受落。依家新一代非常懂得利用網上平台，古都除咗有自己嘅影像Blog，亦會喺twitter發炮，實行在網上包抄式宣傳。就連外國粉絲亦開始留意她，這些老外喜歡她古怪的一面，慕「AV女優」之名上網支持她，還是欣賞佢嘅藝術內涵，就不得而知了！
撰文：慾海