世事往往無奇不有，當香港少女爭住做o靚模，有日本o靚模竟然放棄做花瓶，宣布要企喺摔角擂台挑戰自己！做女摔角選手唔容易，要畀人糟質，又要增肥，天天練拳，所以一向只有美女摔角手轉做AV女優，擁有H級的o靚模竟然話要打摔角，真係唔多信！
雜誌界H級「咪神」愛川ゆずき出道多年，上圍出眾，一直都有大批「愛乳派」支持者，今年突然宣布退出要做摔角選手，令粉絲們大跌眼鏡。以愛川妹近39吋的上圍，天使的臉孔，換轉喺香港，相信大有前途，可惜日本o靚模界競爭太大，愛川始終找不到成功感。她曾向雜誌坦言，做封面女郎曾是她的夢想，但這個夢想不到半年已實現，久而久之，在現有的工作找不到成功感。「一生人都未試過做第一，好想喺摔角台上做第一」愛川說。
日本的女摔角手在台上被拳打腳踢，被糟質程度絕不比男摔角手低，愛川本身是男仔頭一名，自小學習跆拳道，相信她做了咁多年紙板娃娃，係時候做番自己。各位粉絲唔使擔心，愛川今後亦會兼職做o靚模，但身形一定有變。女摔角手天天練習，增肥增體重，不然喺擂台上只會一味畀人撻，而每次比賽後的瘀傷也令身形肥腫難分，實在好難保持到以前嘅完美身段。幸好愛川妹雖然日日苦練，上圍並沒有「縮水」，反而有增無減，仍然保持39吋以上，咁大家大可以放心喇！
撰文：慾海