前兩日同班朋友喺酒吧吹水，大家講起乜嘢女性解胸圍解得最快，有人就話係性工作者，因為佢日日都要解幾勻；但有心水清嘅朋友就話，性工作者解胸圍係最慢嘅，因為要「揼波鐘」，而且可以故作神秘；跟手有人話係模特兒，因為佢哋成日要剝衫着衫。但知情人士透露，佢哋行騷時根本就唔使戴胸圍，於是除胸圍並唔係佢哋嘅強項，最後大家都講唔出個終極答案，突然酒保阿明就話，使乜諗得咁複雜，餵哺母乳嘅媽媽，係天下除胸圍，除得最快嘅人！咁又係喎！
撰文：賢