兩電視台嘅歌唱比賽一浪接一浪，轉眼又話要搞第三屆，每屆新人輩出難免令觀眾把舊人忘記，就好似日本AV公司SOD主辦嘅「灰姑娘大賽」，話咁快已經完成第三回，勝出嘅已經準備出碟，但原來唔好話第一屆，甚至第二屆嘅得獎者都已經消失晒。
大家都仲可能記得第二屆「灰姑娘大賽」嘅得勝者，分別係相內詩織、七原繪里同椎名實玖留，其中相內詩織更以「處子」之身投身入AV界，成為當時炙手可熱嘅新人。由於阿妹人氣極盛，所以公司把握機會喺短短五個月內，一口氣拍咗七部片。
一個新人喺五個月內連拍七部AV片，而且套套都係真刀真槍，力戰數十高手，你都咪話唔辛苦，所以趁第三回新人一出現，相內就第一時間提出引退，原本以為公司會挽留一下，點知卻毅然答允，仲將佢第七張作品視為引退作。
好多朋友都奇怪，相內將寶貴嘅第一次奉獻咗畀AV，照計都會繼續發展落去，最低限度都要闖出名堂，然後再轉型做其他工作，但阿妹做咗五個月就宣布引退，唔通真係覺得太辛苦，定係覺得好後悔入行，唔想再留戀AV界呢？呢個真係只有佢自己至知道！而公司肯放佢走，除咗兩者冇簽乜嘢合約之外，第三回嘅優勝者發片在即，手上又有大批新人，當然少一個半個都冇有怕！睇番第二回嗰幾位囡囡，七原繪里早就退出，而椎名實玖留就已經蟬過別枝，轉做單體女優，加埋相內會喺十月引退，第二回嘅得勝者全部玩完，所以大家想玩呢啲選秀比賽，真係要諗過先至好！
撰文：小德