大口哥：最近有朋友報料，話我老婆同個鬍鬚佬出雙入對，但老婆返到屋企一切表現正常，而且夜晚仲交足功課，好多從未試過嘅體位都同我做，我應該點做好呢？
美人詩：有乜好擔心喎！老婆同你咁恩愛，好多人恨都恨唔到，至於你朋友報料，全屬一面之辭，正所謂冇證冇據，唔通你去問你老婆咩？實行家變都似，千祈咪制呀！
積奇仔：我話你老婆九成係勾佬，頂綠帽已經由頭笠到落腳趾尾，至於晚上恩愛，全屬假象，一定係佢同情人試過新招之後，返到屋企心思思，先至會搵你嚟試招咋！
肥仔強：咁又未必，女人如果喺外面有咗情人，返到屋企就唔會再同老公行埋，而你老婆家陣仲肯同你親熱，證明冇事啦！好似我老婆咁，就同我好耐都冇行埋過啦！