來自福建廈門嘅洪紫婷，樣貌標致可人，身材Fit到漏油，確實係業界中少有嘅極品美女。據知，阿妹於2008年北京電影學院畢業，無幾耐即被星探發掘，邀請到製作公司試鏡，並順利加入模界。當上平面模特兒之後，紫婷嘅工作接踵而來，為佢帶來年薪三十萬人仔嘅收入，作為一個新人，認真犀利。期間佢曾往台灣發展，之不過唔太適應，於是又返北京繼續工作。
唔講唔知，原來阿妹向來有鋪自拍癮，不論工作、行街Shopping或跟朋友外出夜蒲，呢位索女都鍾意拎起手機或數碼相機自拍一番，最重要係唔介意表現自己性感嘅一面，騷胸露罅之餘，間中又會擺出一個誘人嘅姿勢，並將相片上載網絡，搞到一眾宅男為之瘋狂，其實索女曾於部落格留言，表示希望趁年輕為自己留住最美一刻，同時佢亦承認係一個天生自拍狂，仲講明有新相就會即時同大家分享，男士梗係大飽眼福啦！
網址http://blog.sina.com.cn/u/1723180931
撰文：娟娟