問：最近識咗個卡拉OK妹，同佢發展得唔錯，前幾日仲叫我陪佢去揀屋，於是同佢拍拖睇樓，最後搵咗間又平又靚嘅樓，當簽租住合約時，囡囡叫我寫埋個名落去，佢見我有啲猶豫，就話如果簽咗名落去，我就係其中一個租客，日後喺佢屋企過夜，都唔怕畀人拉，我當時半信半疑，但最後都係簽咗個名落去。事後我有啲後悔，請問我女友講嘅係唔係真話，依家我個名簽咗落去，日後需要負啲乜嘢法律責任呢？
答：如果單位租約有你嘅名，日後街道辦嚟查戶口，就唔怕畀人列入黑名單，萬一有行動，要搜查出租屋，亦唔會第一時間搜你間屋，就算搜都未必會有事，因為你係租客之一，用同屋朋友關係就可答辯。至於要負啲乜嘢法律責任，就係怕囡囡唔交租，你就要負責繳交欠租，此外，相關嘅水、電、煤、電視、電話、雜費等，如果佢唔交，日後都會追你。由於水電等收費都係阿爺公司，到時向法院告你唔交費，你可能變咗通緝犯都唔知，所以真係要小心，家陣惟有多啲上去，(目及)住佢有冇交水電費啦！
撰文：小德