東莞一帶查牌風暴稍歇，好多夜場都立即重張旗鼓，除咗搞好多新嘢出嚟吸引客人捧場之外，仲大搞優惠酬賓，最多場用嘅就係「三個送一個」，即係四個人嚟幫襯，其中一個就可以免費，計起上嚟即係有七五折嘅優惠，真係好吸引人。
呢排日日都收到唔同損友嘅電話，約我北上捧場，頭兩三日都冇所謂，照跟唔同嘅損友北上開心，但到咗第四五日就發覺真係好唔掂，並唔係荷包冇錢，亦唔係小弟弟冇料到，而係一連幾日北上，好似例行公事，新鮮感冇晒，玩到一啲癮都冇。
但係一推啲損友，就話你小小事都唔幫手，有啲仲話要絕交添。同佢哋講話已經去咗幾日，咁仲麻煩！佢話你唔畀面佢，同邊個邊個就去，同佢就唔去，唔止絕交，仲會反晒面添。所以呢排都係熄電話好啲，免得順得哥情失嫂意，委屈自己啦！
撰文：大軍