內地有關方面整治夜遊場所，好多大區嘅夜場都收斂咗好多，唔敢亂嚟，反而一啲偏遠嘅小區就變本加厲，好似喺惠東就有間邪骨場，每晚除咗有泳衣騷畀客人選妃之外，近日更要啲囡囡露點演出，真係夠晒出位！
呢間骨場自推出囡囡走騷演出之後，反應不知幾好，由於佢哋班囡囡，除咗樣靚身材勁之外，唔少仲係臥虎藏龍之輩，例如有識得跳現代舞嘅，亦有識得雜技軟骨功嘅，佢哋喺走騷期間，更會突然露兩手，令唔少客人拍爛手掌，讚不絕口。
由於囡囡表演時都係以泳衣示人，加埋性感大動作，好多時都會有走光出現。每次囡囡走光，都會引起客人起哄，搞到現場氣氛十分之好，於是老總把心一橫，要所有囡囡都剝衫演出，但當然遭到囡囡強烈反對，一啲高質囡囡更話自己唔使露，只要行吓貓步都有客人捧場，所以冇必要露點，而有專長嘅囡囡就話自己跳舞演出就已經好夠睇頭，剝咗衫反而會唔識跳舞。
兩批囡囡都講得有道理，老總亦唔想強人所難，但有囡囡剝衫露點，始終可以吸引大批客人觀賞，於是老總惟有向一班唔係咁高質又冇乜專長嘅囡囡埋手，呢班囡囡喺老總嘅威嚇下，焗住要露點演出，佢哋六七個人一組，每次逐組走出嚟見人。
客人見囡囡露點，簡直陷入瘋狂狀態，成為每晚嘅高潮所在，只可惜啲囡囡比較怕醜，一出嚟急急腳走個圈，就趕住返入去，唔會大大方方咁行嚟行去，而且呢班囡囡嘅質素真係差好多，同模特兒組、舞蹈員組真係冇得比，但係有得睇囡囡露點，吸引力點都大啲，每晚開騷，一定逼爆晒，老總正打算睇騷要額外收費，每次五十蚊，但客人話貴貴都一樣照睇喎！
有睇過光豬騷嘅朋友，都覺得嗰度嘅氣氛好好，因為每逢做騷，除咗逼滿客人之外，每有靚女出場，就會報以歡呼聲同口哨聲，但如果出現一啲豬扒或者係黑口黑面嘅囡囡，就立即報以噓聲，全場觀眾十分齊心，可以講得成晚最熱鬧就係呢一刻。但有一樣嘢要注意，如果一個唔好彩咁啱喺呢個時候畀人掃蕩，就一鋪過拉過百人都似！
撰文：小德