最近惠東有間休閒中心，推出比堅尼活動，要全場囡囡都以三點式泳衣見人，原本佢哋只要求啲技師着成咁，點知個老總一聲令下，要全場嘅囡囡包括所有女經理、主任、侍應、知客都要以三點式示人，馬上引起全城轟動，客人亦絡繹不絕。
可惜呢條橋一個星期都唔夠就玩完，最重要嘅原因就係啲職員唔合作，例如做侍應同知客，如果肯拋頭露面，放低尊嚴，早就做咗骨女啦！使乜睇住自己月入一、二千，人哋月入過萬呢？但家陣你係都要人哋着三點式示人，實在唔係咁多囡囡接受得到。
於是一個唔着，跟手個個都唔着，最後連技師都唔着，焗住要提早玩完。另外，就係唔係所有囡囡着三點式都好睇，有啲肥妹同生過仔嘅，條腰就有好多缺點畀人睇到，唔止唔靚，睇落仲有啲肉酸添！所以呢個比堅尼活動，最後無疾而終係啱嘅。
撰文：大軍