幫襯內地嘅骨場，除咗可以享受到舒適嘅按摩以及其他特色服務之外，近年仲有唔少骨場於場內大搞艷舞表演，藉此撻着各位賓客。然而，艷舞其實唔單止夜場有，好多鄉村亦有得睇，而且一樣跳得火辣奔放！
去到外國，好似美國同荷蘭咁，要享受夜生活其實有好多活動可以選擇，睇艷舞就係其中之一喇！睇到身材激凸，肢體動作充滿力度嘅舞孃，隨住強勁音樂節拍大跳誘人舞步，再一邊嗒杯靚酒，可以話係人生一大樂事！要睇艷舞，其實返內地亦可以，因為唔少夜場，好似夜總會咁，每每都有艷舞睇，連骨場都話要表演埋一份，依家甚至好多鄉村亦一樣有得睇，而且仲相當精彩。
好似最近，汕頭一條鄉村就有人發現有艷舞表演喇！呢類艷舞原本一般都係於電影院進行，不過最近因為電影市道好，所以電影院都已經安安分分播放電影，於是艷舞團就轉戰其他地方，例如係鄉村入面嘅村莊禮堂。消息指出，禮堂係村入面嘅老人會所有，之所以肯借予艷舞團使用，當然係由老人會首肯，亦可以顯示出一班阿叔阿伯亦係艷舞團嘅支持者。
據了解，艷舞團每晚準時九點上演，每次都可以吸納到超過二百人入場欣賞。場面之所以咁盛大，原因有兩個，其一係門票夠平，一般只係收五蚊人仔就可以睇一個鐘頭，其二則係艷舞團嘅成員夠晒吸引，事關佢哋全部都係九十後少女，有活力之餘副偈鮮嫩，簡直就係青春無敵，齋企都已經熱力四射，有乜辦法唔受到一班叔伯支持呢！
表演開始嘅時候，六位九十後艷舞女郎就會以三點式上陣，場內亦同時響起強勁音樂。一班少女就會跟住音樂扭身扭勢，又自摸又擘大對腳挑逗台下觀眾。少女們舞步專業又豪放，跳得兩跳仲會剝埋光豬，赤裸裸咁跳舞，搞到禮堂內肉光四射。由於舞台離觀眾席唔會有太遠距離，有時舞孃跳得性起，仲會拉埋台下嘅觀眾上去一齊跳辣身舞，真係心血少啲都頂唔順呀！
由於艷舞團乃係小本經營，而且賺極都有限，冇大集團支持，加上表演又張揚，所以特別容易受到有關當局出手掃蕩，因此艷舞團一係被當局又拉又鎖，一係就再轉戰其他地方，或者移師到更偏遠嘅區域繼續經營，以維持舞團「生計」。
撰文：賢