最近經濟復甦，但人工幾年都冇加過，唔少朋友都諗啲生意仔搞吓，就好似喺美國，近年就興搞倉庫酒吧，就係將一啲棄置嘅貨倉改建為酒吧，一來租金夠平，二來資金唔使多，三來仲可以要嚟溝女，晚晚食免費餐，搞到唔少人爭住要入行！
呢啲酒吧話就話客人男女不拘，但佢哋可以搞少少手段，就可以篩選客人，搞到成間酒吧都係女性客人捧場，我哋搵嚟已經開咗三間貨倉酒吧嘅約翰，等佢講吓當中不為人知嘅秘密，約翰話：「開呢啲酒吧資金唔多，有十零廿萬美金就乜都夠！」
計起嚟咪即係一百多萬港紙左右，約翰話：「由於貨倉租金便宜，加上簡單裝修就可以開檔，所以唔使太多資金，起初當然乜嘢客人都吸引，但你會發現女客嘅消費力同捧場次數，都會比男性多好幾倍，於是慢慢就會以做女客為主，而一星期裏面，我哋就搞咗四晚女士之夜，除周五、六、日正常，其他日子都只接待女客。」點解可以吸引咁多女客捧場呢？約翰話：「節目一定要夠鹹濕！」
約翰補充說：「女客嚟酒吧消遣最緊要開心，而咁多節目中，冇乜嘢比鹹濕節目更吸引到佢哋，於是我哋會請歌手嚟大唱鹹濕歌，或者大講鹹濕棟篤笑，務求客人一入嚟就開心到離開，而大時大節我哋仲會請舞男嚟激情助興，等大家癲番一晚。」
大家比較想知你哋點樣溝女呢？約翰話：「有好多囡囡一撻即着，由於全場都係女賓，於是惟有向我哋啲伙記埋手，而我哋做老闆見伙記有難，點可以唔出手呢？於是晚晚都疲於奔命，如果係舞男之夜，啲虎狼更會連我哋都唔放過，一晚被人糟質幾次！」明顯約翰喺度大講風涼說話，而另一個最吸引嘅話題就係生意有冇盈利呢？愈問約翰，佢愈閃避回答，睇嚟一定係冇問題啦！
撰文：小德