近年美國嘅派對差唔多去親玩都會「濕身」，你會問係咪寫錯字，應該係「失身」，「失身」自然係派對最重要嘅環節，但今日要講嘅係「濕身」，原來「濕身」係家陣最流行嘅派對玩意，就算喺派對裏面冇濕身節目，客人都會自行濕身！
今日就搵嚟有廿年經驗嘅派對搞手威文，講解吓「濕身派對」發展同埋現時嘅情況？威文話：「以前只有沙灘派對，至會有淋冰水或者淋啤酒嘅玩意，而且被淋嘅只有女性，後來呢啲濕身嘅玩意，竟慢慢普及起嚟，開始喺一啲年輕人派對裏面，成為不可缺少嘅節目，隨着呢群後生女成長，家陣發展到連大城巿裏面嘅高級私人派對，亦要有濕身嘅環節，而淋嘅由冰水，亦進步到淋法國香檳！」
點解會咁受女顧客嘅歡迎呢？威文話：「當你跳舞跳到成身大汗嘅時候，派對轉為淋冰水遊戲，上場玩嘅囡囡，一來可以享受冰水淋落身體嘅暢快感覺之外，二來仲可以表現囡囡嘅膽識同自信。」上到台當眾表演，真係唔係人人都接受得到。
如果冇記錯，以前濕T恤派對，其實有少少係搵啲囡囡笨，等佢哋只着T恤真空上陣，之後用冰水或者啤酒淋濕佢哋，無非係想佢哋走光，飛釘露點，但點解家陣嘅囡囡，咁睇得開，竟毅然主動要玩呢？威文話：「好多出錢搞派對嘅女負責人，年輕時都玩過呢個遊戲，除咗覺得好玩之外，仲發覺係一種好好嘅訓練，可以讓女性自信起嚟，於是佢哋好想將呢種傳統傳落去，所以至流行起嚟！」
威文繼續：「至於蝕底嘅問題，家陣啲私人派對，比以前更大膽，經常男女混戰，就算全女班嘅派對，最後也會請舞男嚟開心，佢哋玩濕身遊戲，就算飛釘露點又有乜嘢所謂。」
撰文：小德