Jimmy：小弟早前落吧識咗個女仔，仲好快畀我冧掂，同佢拍拖兩星期就開始有性關係，初時感覺非常過癮，事關女友實在太索，有樣有身材，仲有一對H奶，每次開心嗰陣都令人愛不釋手，只可惜原來佢有一個怪癖，就係成日要打屁股，仲話咁樣先夠興奮，我本身唔鍾意咁玩，究竟點算好呀？
Angel：好明顯你女友有啲被虐傾向，呢類人會喺痛苦之中獲得興奮快感，但情況可能愈嚟愈嚴重，甚至會搞到傷害自己，所以建議你帶佢去睇心理醫生，咁做對大家都有好處。
嘉文：我覺得事出必有因，你女友唔會無端端鍾意玩性變態遊戲，你不如先了解一下佢係咪曾經受過不公平對待，或細個嗰陣係咪遇過一啲不愉快經歷，希望你可以幫到佢啦！
南哥：其實每個人都有自己嘅個人癖好，你女友叫你打屁股架，至多輕手啲，咁就冇咁傷啦！如果女友叫你用皮鞭咁玩，咁就真係唔好應承佢，反而要話佢知你嘅立場同底線。