喺日本從事出張服務嘅風俗孃，冇一萬都有幾千，佢哋平時唔使返工，只要有客人睇中，公司就會叫佢哋上酒店開工，所以冇工開嘅時候，同普通人一樣會做吓自己嘢。最近有成人網站做咗個調查，問佢哋做緊乜嘢時候接到開工電話，會最影響心情呢？
撰文：小德
影響較輕微嘅第五位就係煮緊飯。囡囡話煮緊飯嘅時候，突然接開工電話，啲菜做得一半，都唔知煮唔煮埋落去，如果煮埋落去，又怕客人等得唔耐煩，放棄又太浪費，所以都幾影響心情；至於第四位就係啱啱瞓着覺，囡囡話做得小姐，通常都係夜鬼，晚晚去玩，唔天光都唔返屋企，啱啱瞓着就有電話要開工，真係乜嘢心情都冇晒，有時仲會搵個客人嚟出氣添！
至於第三位就係食緊嘢，囡囡話正享受美味食物嘅時候，突然接到電話要你開工，啲嘢都唔知食唔食好，夾硬食落肚，除咗會有傷身體之外，仲會食不知其味，等同浪費晒啲食物，但你唔食就走，等於同自己嘅荷包過唔去，心情肯定會大受影響。
第二位就係洗白白嘅時候，囡囡話佢哋沖一次涼，要花好多工夫，當你搞咗一輪之後，正準備享受浸浴嘅樂趣，突然接到電話，真係大殺風景，但為咗搵食，惟有死死氣起身着衫開工。其實囡囡去到酒店咪又可以沖過，仲鴛鴦戲水，一樣咁爽啦！
到咗第一位，相信好多男人都估唔到，原來就係購物嘅時候，囡囡話佢哋好多時等開工都會去行街買嘢，但當揀到心頭好，就會同店員討價還價，呢個時候最怕接到電話，因為一有工作在身就會分心，好多時都叫唔到好價錢，或者眼白白放棄心頭好，呢種打擊比乜嘢都難受。睇過五種最影響囡囡嘅情況後，大家都明白一件事，囡囡始終都係人，佢哋咪又係女人一個。