於美國華盛頓州內部分小鎮，有唔少人經營流動咖啡店，以小型貨車改裝而成，由於數量愈來愈多，導致呢行嘅競爭變得非常激烈，而為咗繼續生存，有流動咖啡店老闆不惜聘請美女侍應作招徠，更要求佢哋着上性感比堅尼開工，實行以美色去引誘客人。
其中一間名為「The Sweet Spot Cafe」嘅流動咖啡店，開設於西雅圖地區，平日嘅營業時間由晨早五點至夜晚六點，而幫襯嘅客人中，除咗居住喺附近嘅居民之外，多數都係駕車路過嘅司機，據知有部分客人並唔係為咗解渴，而係睇見性感索女向佢哋揮手投眉時，忍唔住將汽車駛埋去睇嘢。
據講，喺店內工作嘅索女都係經過老闆挑選，但樣貌並非主要嘅條件，最重要係擁有豐滿身材，原因相當簡單，當汽車駛過時，由於有一定距離，司機好難分辨侍應係靚女或醜女，但如果索女擁有巨乳身材嘅話，一般嚟講，離遠都能夠睇見兩團肉球，從而激發起佢哋嘅好奇心，自然會自動埋去查究一下。
另一方面，店舖推出嘅咖啡種類繁多，基本上講得出嘅款式都有咁滯，其中一款「齋啡」定價為80蚊美金（即621港元一杯），睇落似乎非常昂貴，原來醉翁之意不在酒，事關客人只需購買呢款飲品，就可以乘機施以胸襲，若然啲索女高興，更有機會同佢哋打茄輪。雖然客人只能點到即止，但對於生活枯燥嘅男士嚟講，呢種玩意已足夠止癮。
撰文：娟娟