我大軍就曾經聽過一位知情人士所講，由於以前呢啲鍾意搞性愛派對嘅人玩得太過張揚，不但組織起嚟，又喺社交網站招攬志同道合會員，甚至會公然喺街上派宣傳單張，愈玩愈出位，自不然引起執法人員注意，最後梗係會被取締啦！
或者係呢個原因，呢啲另類派對嘅愛好者就轉玩低調，據講佢哋唔會再好似以往咁，隨便搵啲新人返嚟一齊玩，想參與其中嘅話，就必須要有熟人介紹，以及預先繳付一大筆費用。對於部分玩家嚟講，集體性愛似乎非常刺激，之不過可以話畀大家知，幾十人逼埋一齊，你唔識我時，我又唔知你乜料，一個唔覺意對方有病在身，無端端中招，咁咪大鑊過畀人拉！
撰文：大軍