內地夜場嘅囡囡，好多都會經營副業，做小姐都仲經營副業？冇錯呀！佢哋每晚都會向客人兜售丸仔從中取利，賣丸仔咁夠膽？唔怕畀人拉咩？大家咪會錯意，囡囡賣嘅丸仔只係壯陽丸，究竟情況係點？今日就同大家追擊一下！
最近內地有單新聞，話有個夜總會嘅媽咪，安排旗下十幾個囡囡，每晚向唔同嘅客人兜售一種壯陽丸，話食咗之後30分鐘，就會有意想唔到嘅反應，可以增強持久力，令囡囡欲仙欲死，高潮迭起，據講每晚都可以順利賣出十幾粒壯陽丸。
而呢啲藥丸嘅價錢，話平唔平，話貴唔貴，60蚊一粒，但囡囡每賣一粒就可以分到30蚊嘅利潤，如果媽咪又賺30蚊，咁成本價一蚊粒都唔使，成效真係令人懷疑。但呢個媽咪竟賣咗兩年咁耐，都冇人發現有問題，唔係最近掃黃畀人揭發佢賣藥，再將啲藥攞去化驗，都唔知道原來佢一直賣假藥。好彩佢都有良心，只係將牛黃解毒片磨粉再入膠囊，點都食唔死人。
網友就有疑問，啲客人食咗佢啲壯陽藥冇料到，冇理由唔踢穿佢？原來當中囡囡亦擔演一個十分重要嘅角色，客人一入房就會服食壯陽藥，之後當然同囡囡親熱，然後再洗白白，關鍵就係30分鐘後藥力至開始，囡囡只要喺30分鐘內挑逗到客人同佢哋發生性行為，咁咪測唔到藥力有冇效囉！有時客人都想知道藥力嘅功效，故意拖延時間，囡囡呢個時候就會出口術。
囡囡會話自己好耐冇做，家陣已經按捺不住，要客人快啲行動，囡囡講到咁明，相信都冇乜男人控制得到，於是兩年內都冇人踢爆。而且囡囡只要做足反應，叫到七彩，猛話客人有心有力，冇人會懷疑自己唔掂，於是謊言可以瞞足兩年咁耐。
撰文：賢