25/02/2010

播放本新聞相關短片

北上全面體:囡囡爭客 出口又出手

本文重點
好多人以為喺內地夜店工作嘅囡囡,顧住搵錢,冇乜是非,咁你就錯啦!一位桑拿經理表示,曾見過行內有唔少囡囡都因為眼紅其他女仔受歡迎,又或者唔抵得人搵到個好客人,輕則口角,嚴重起嚟更會做出一啲激烈嘅洩憤行為。

妒忌之禍

去到內地一啲大型桑拿場,閒閒哋過百位佳麗任君選擇,呢班囡囡閒時都會匿喺休息室,除咗食飯瞓覺之外,仲會扮靚、煲電話粥,又或者圍埋吹水等。部分來自同鄉或認識咗一段日子嘅女仔,傾得特別投契,不足為奇,搞小圈子排擠新人亦係經常發生嘅事,呢啲同行之間嘅鬥爭,好容易演變成罵戰,甚至更嚴重嘅事件。

任職經理嘅阿勇就話曾見到類似嘅場面,佢表示:「以我所知,新入行嘅女仔通常都會成為眾矢之的,事關佢哋未知咁多行內規矩,亦未能融入,加上與其他人嘅感情淺薄,容易得罪人。之不過,我認為佢哋都唔及妒忌心重嘅女仔咁麻煩,原因好簡單,呢類女仔容易眼紅,更有可能藉故撩事鬥非,有時要由我哋出面調停,以免事情變得更糟。」

經理調停

阿勇又話,囡囡之間發生口角都仲好,有時更可能演變成混戰。「有次經過休息室,見有兩個女仔因小事爭執,經了解後,原來係有人眼紅對方搶咗自己個熟客,初時只係出口術,後嚟竟然大打出手,我見狀立即制止佢哋,事後兩個女仔同樣要受罰,以作警惕。其實做呢行係為咗搵食,佢哋嘅行為簡直幼稚到極,何況囡囡不斷你爭我鬥,只會惡性循環,最後搞到大家都冇飯開,又於心何忍呢?」

據知,內地夜場不時傳出夜店小姐因爭客而發生爭執,甚至係打鬥事件,老實講,有啲女仔的確係情緒智商低咗啲,惟有寄望其他人多多忍讓。

撰文:娟娟