臨近年尾，好多女仔都會大破慳囊，四出買定衫準備過新年，至於會自己親手做衫過新年嘅女仔，相信已經絕晒種，但竟然喺澳門畀我哋搵到一個，佢不但每逢過年都會自己做衫，而且仲會替家人同埋男朋友做埋一份，簡直講都冇人信呀！
自小熱愛
呢個咁有傳統美德嘅囡囡，就係嚟自十×桑拿嘅盈盈，佢今年20歲，絕對係九十後嘅新生代，本應陪住電腦、遊戲機長大，唔好話針黹，應該連家頭細務都唔識做，但盈盈佢認真與眾不同，不但家頭細務乜都識得做，而且煮飯同做針黹，更係佢嘅強項，據講佢讀書時候，家政年年攞最高分，連老師都唔係佢嗰皮，問佢點解咁厲害？原來佢自細嘅夢想就係做一個賢妻良母。
所以佢就對家務十分熱衷，話自己八歲就已經入廚，九歲就已經識得織冷衫，十一歲時就已經用衣車做衣服畀自己着，佢更話：「自從十四歲開始每年春節嘅新衫都係自己親手做嘅，除咗自己唔使錢買新衫之外，連家人同男朋友都有份。」
模仿設計
做着盈盈嘅男朋友咪好着數？點知盈盈長嘆一聲：「唔好提啦，幾個男朋友都因為唔喜歡着我嘅衫，搞到嗌交呀！」唔通盈盈手工好但眼光差，問佢攞啲相嚟睇吓。果然，女裝衫仲可以接受，但男裝衫就認真唔掂，如果我係佢男朋友，都未必接受得到。問佢啲男朋友有冇着過上身，佢就話要色誘佢哋至肯着，但要佢着出街，就打死都話唔制。
其實盈盈都明白自己嘅審美眼光差啲，所以佢話家陣啲衫大多數係抄襲人哋嘅設計而成，相信今年唔使色誘男朋友，佢都會着出街，但如果我係佢男朋友，老虎都要佢色誘吓我至着呀！撇除審美眼光，盈盈其實係個十分完美嘅女仔。
盈盈profile
年齡：20歲
三圍：33-23-34
興趣：做衣服
撰文：小德
攝影：阿昌