志不在此

以東莞為例，以往有不少二奶都是被台商包起，現在班老細走晒，連二奶的失業率也直線上升。據講一班已年屆中女，即廿七以上嘅二奶，即使肯再賣身，但桑拿夜總會都不願聘用，做企街又接受唔到，惟有日賭夜賭，希望靠賭錢維持生活。

過往二奶有老細養都係以打牌消磨時間，依家更會主動相約有「碼頭」嘅二奶開戰，因為佢哋始終仲有老闆照顧，對輸贏唔會太計較，要喺佢哋身上贏錢就會較容易，之不過麻雀雞嘅目的並非係賭枱上嘅微利，反而係姊妹嘅老闆或其朋友。

助人助己

一位麻雀雞話：「我哋每日嘅運作都好簡單，通常都會去有老細包嘅二奶屋企打牌，而事前都會講明賭債肉償，身為有老細嘅二奶亦唔會拒絕，事關佢幫『老公』搵到更多女人免費上床，自然會更得寵愛，有幸嘅更可能轉職做埋女雞頭添！」

麻雀雞愈嚟愈多，有指連夜場囡囡都加入，希望賺多啲錢過年。不過並非每位麻雀雞都咁好運，有啲因為輸到肉償都無人要，淪落到被操控跟其他男人竹戰，贏咗收錢還畀老細，輸咗照樣肉償，仲慘過做雞呀！

撰文：祖