小嘉嘉：我同男友拍拖一年，最近決定搬出嚟住，諗住同居可以有多啲私人空間畀大家，而且做愛嗰陣都唔使擔心畀人發現，免得尷尬，最初性生活都過得非常充實，但呢兩個月男友沉迷打機，每晚收工返嚟就第一時間坐埋電腦度打個不停，就算如何挑逗佢都冇反應，反而嫌我阻住佢，到底我可以點做呀？
莉莉一號：其實你使乜咁愁呢？男人係貪新鮮嘅動物，雖然呢期愛上打機，但應該好快就會玩厭。呢段時間裏面，你不妨當係畀機會自己休息吓，做少幾次唔會有問題，直到男友忍唔住想同你做，先慢慢數臭佢都未遲啦！
長腳豪：我覺得男人鍾意打機唔係一件壞事，至少佢會乖乖哋坐喺屋企，唔會四圍去蒲去滾，難道你想男友晚晚出街？況且做愛未必喺夜晚，你哋可以選擇喺朝早，除非你男友堅持每晚都「戰鬥」到天光。
肥仔賢：雖然我係男人，但按照形勢嚟講，實在唔應該企喺你男友嗰邊，原因非常簡單，難得女方主動想要，男方應該識做，如有得揀的話，畀着我一定會選擇同女友做愛，都唔會打機。