本文重點
早前同大家講過喺曼谷一間夜場，小姐們全部都係以熱褲加長腿作賣點，之後刮王再去過就更見到人山人海，可見呢一類玩特別主題嘅夜場係幾受歡迎。跟着又再去過另一間夜總會，小姐們喺台上載歌載舞，而最吸引嘅並唔係佢哋嘅熱舞，而係佢哋身上嘅衣着，就係全黑色皮三點式泳衣。
撰文：刮王
真皮衫情有獨鍾
大家都知道，黑色帶有強烈神秘感，睇落去就令人充滿幻想，而呢班小姐咁玩法，已經令到客人嘅視覺受到好大刺激，再加上佢哋身上嘅服飾係真皮製造，呢種物料對於好多有易服癖嘅客人嚟講，簡直就係相當之吸引。眾所周知，有一群鍾意玩易服癖同SM嘅客人，對於呢一類真皮衫都非常鍾意，原因就係充滿神秘感，而且呢種顏色同布料嘅質地，會挑起佢哋嘅視覺刺激。就現場所見，客人大部分都係呢一類朋友，所以刮王走埋去想搵佢哋做個訪問，佢哋都拒絕，全因為唔想畀人知道有呢一種癖好。唔講呢班人，單係講呢班女嘅服飾，美好嘅身段喺神秘感十足嘅三點式泳衣之下表露無遺，淨係睇呢個場面，對於一般客人嚟講已經值回票價啦！