屋企做愛夠安全

深圳嘅囡囡為咗逃避掃黃行動，好多人都唔敢返工，就算返工都唔會陪客人去開房，所以收入大減，有囡囡總結經驗，得知危險來自酒店，只要避開險地，佢哋仍然可以繼續搵銀，而唔去酒店，咁同客人去邊度共度春宵呢？就係去囡囡嘅屋企。

因為警方嘅掃黃行動，一般都會集中火力，做最多嘅成績，所以好少去住宅小區，反而掃蕩一次酒店，拉嘅人就可以多好多，而且一男一女喺自己屋企發生性行為，可以話天經地義，根本好難入罪，所以絕對安全，囡囡樂於相邀客人家訪，但唔係每個客人都會邀請，囡囡事前會留意一吓客人，如果斯文老實就會相邀，否則食少多教訓，情願婉拒，唔做一晚生意好過。

小心遇盜劫集團

至於客人方面，一般都冇問題，因為可以深入囡囡香閨共度春宵，比客人多添一份滿足感，客人自然舉腳贊成，至於囡囡嘅屋企，一般有兩種，最多係套房，即係一個單位裏面，分間成三四間套房，囡囡租其中一間嚟住，浴室喺埋套房裏面，另有部分囡囡就會同兩三個姊妹合租一個單位，之後一人住一間房，大廳浴室都係共用，所以去正呢啲囡囡嘅屋企，沖涼出出入入都唔方便。

除咗出入唔方便之外，客人更要小心遇上盜劫集團，引你去屋企進行洗劫，而要避免上當，最好事前問聲媽咪，另外去到囡囡屋企可以通知朋友地址所在，咁就冇咁易中招，至於去酒店定去囡囡屋企，講真都有危險，點選擇自己決定啦。

撰文：小德