肥仔然：女友時不時都會問我以前嘅性經驗，仲會問我除咗同前女友發生過關係之外，有冇嫖過妓。不過，我雖然試過，但係一定會否認，事關我驚佢話畀自己屋企人以及我屋企人知，到時可能要面對「公審」。
小貓咪：我同好多女仔一樣，都好想知道男友有冇嫖過，你知啦！即使佢哋好耐之前嫖過，感覺上都係唔乾淨，亦會怕佢哋惹到病，繼而影響我自己嘅健康。不過，我男友誓死話自己冇嫖過，我當然信佢啦！
爛命豪：我女友都問過我同樣問題，當時我好乾脆咁答佢有嫖過！當然佢梗係有少少嬲啦！不過，我後尾話：「我本來可以唔認，但係我認咗係想對你坦白。」咁樣佢就冇嬲喇！
型男祖：我打死都唔會認曾經試過去嫖喇！啲女仔好小心眼，而且好記仇，如果今日你認咗，即使佢話唔介意都好，第二日都一定會挖出嚟講，而且佢哋會認為你嫖過一次就會有第二次第三次，更加會對你加強監管！