三款湯水補身助陽

經常做運動嘅朋友，可以身穿棉質內衣，讓汗水吸入內衣內，外面不要除低外套，以免着涼。此外，做愛時亦要小心，盡可能不要脫光衣服，保持室內嘅溫度，當完事後唔好光着身子，應該馬上蓋上薄被，避免寒風所侵，沖洗時要用熱水。

中醫師仲建議多飲潤肺嘅湯水，以壯臟腑嘅功能，達固本培元嘅效果，而今日就介紹三款節令潤肺湯水畀大家。三款湯水總有一款啱你嘅。

桑葉湯 做愛唔喘氣

第一款經濟實惠、人人都飲得起嘅「桑葉枇杷羅漢果湯」，具清肺熱、除肺燥、疏肝理氣、通便潤腸嘅作用。

材料：桑葉5錢、枇杷葉5錢、羅漢果1/3個、玉蝴蝶3錢、大海子十粒。

做法：用四碗水煲埋兩碗，可以一個人飲晒或者兩個人飲都得，如果人多分量可自行增加。呢個湯對五臟六腑都有幫助，特別係肺部同支氣管，一飲之後唔使再咳嗽嘅干擾。

飲完唔怕剝光豬

另一個湯水就加啲肉落去，名字叫「黨參辛夷煲豬肺」。

材料：黨參一支切片，辛夷花、蒼耳子各五錢，百合一個，黑棗五粒，豬肺一個。

做法：12碗清水煲兩小時，具補中安神、潤肺理氣、祛風防感、健脾益胃等功效，絕對係呢個天時最佳嘅滋潤湯水。飲咗佢，剝光豬曳曳都唔怕冷親啦！

益精補腎壯陽氣

最後就係個貴氣啲嘅湯水，名字叫「鹿茸龜板燉烏雞」，聽個名就知巴閉。

材料：鹿茸3錢、炒龜板1塊、圓肉5錢、陳皮1錢、烏雞半隻。

做法：以清水四碗燉佢3小時，燉好係兩人嘅分量，具補腎填精、增強體質、溫陽養血之效。

撰文：小德