惡人先告狀

最近聽人提起一件事，話說有一次，有個客人去一間桑拿玩，經理安排咗一個新嚟嘅技師為客人服務，歎完玩夠，客人去埋單時，經理循例問對方技師服務如何，點知客人反應甚大，爆晒粗話個技師服務唔掂，唔配合又唔主動，下次請都唔嚟！

聽到客人咁投訴，經理當然第一時間捉當事人了解，點知入到技師房，見到個囡囡喊晒口、拐拐吓，呢個時候經理已心知不妙，一面叫收銀留住個客，另一方面即刻問技師發生咩事。

技師解釋，客人入房所有服務都話唔需要做，淨係要用手指搞技師，但係過程中完全無理過技師感受，更出盡蠻力，搞到技師下體流血添！

桑拿反擊

聽完技師解釋，經理再見到張染血嘅床單，呢個時候，經理就拉住客人對質，客人以為自己大晒，但經理話技師畀客人搞傷咗，起碼一個禮拜開唔到工，在情在理客人要賠償損失！

呢個時候，只要客人肯賠嘅話，經理都唔會點留難佢，但港客有恃無恐，聲大夾惡，結果經理即時「吹雞」，唔好以為係在場保安做嘢，唔夠五分鐘，大門已有五個黑衫黑褲大漢衝入，客人即時餚晒底，乖乖哋賠錢。

事後經理問技師點解唔一早求助，技師就解釋客人威脅佢，若然唔肯就範，就會投訴佢，令佢被公司罰錢甚至炒魷，所以當事人情願啞忍。事實上，桑拿為保護自己嘅利益，有需要時都會保護旗下技師，否則到頭來自己吃虧。

撰文：祖