戀人相處除咗要識得愛護對方外，仲要知道遷就之道，咁先至可以讓關係變得長久。不過每個人都有自己嘅底線，如果觸及呢條底線嘅話，就算幾咁親密都一樣反面，但好似文仔咁因為一條薯條而擘面，咁就真係少見咗啲！
文仔放工後，約女友妍女開房曳曳。一輪激戰後，兩人手拖手到樓下快餐店開餐。唔知係咪文仔頭先餵飽咗妍女關係，妍女唔覺得餓，只係含情脈脈咁睇住文仔食嘢，真係體貼！
正當文仔喺度大快朵頤之際，薯條嘅香味竟勾起妍女嘅食欲，於是妍女便諗住伸手攞條薯條嚟食。點知文仔突然捉住妍女隻手，喝問佢點解要拎佢啲嘢嚟食。
妍女梗係心有不甘啦！於是鬧文仔小器，而文仔仍唔讓步，同佢針鋒相對起嚟，結果妍女氣上心頭，摑咗佢一巴便拂袖而去。咁小器嘅男友，畀我就即刻飛咗佢！
阿豪