惡性循環

據一直於網上兼職賣肉嘅囡囡，居於深圳嘅小穎指出，呢半年來，已經收到不下十個中介人電郵，對方開出表示可無條件為小穎拉客，只要當事人隨傳隨到便可！起初小穎來者不拒：「多啲渠道幫自己搵多啲生意，何樂而不為，況且對方表明，頭十次絕不收取任何費用，所有肉金都落自己袋，咁着數，點可以拒絕！」小穎更表示，頭三個月對收入的確有幫助，甚至希望有更多「雞頭」主動聯絡，密食當三番，賺夠錢提早上岸！但日子一久，小穎就發現有不少問題發生，「同新雞頭混熟後情況就有啲失控，愈嚟愈多自稱雞頭來電，凌晨三、 四點照樣打來問你有無興趣接客，但事後又不了了之，令我化好妝呆等一晚，成晚捱眼瞓但冇生意，惡性循環，第二日又冇精神開工！」

神憎鬼厭

持續一個多月，小穎開始感到煩厭，亦明白到嗰啲所謂雞頭全部係新手，亂開價呃客！小穎指出，原來根據行規，囡囡收費都係固定一個數目，至於「雞頭」向客人開出價位係多少，囡囡絕不會理會，事關呢個差價係雞頭應得嘅，然而因為太多中介新人加入，亂開價「破壞市場」，變相令識途老馬以為囡囡從中敲詐。

「更過分嘅係，新雞頭話要幫我哋囡囡拉更多生意，一時話要我拍上半身裸照去促銷，另一個又要我拍短片放喺成人網站做介紹，最令我激氣係，有啲雞頭仲攞其他囡囡照片冒充我，試過有人客上到嚟，看到我並非相中人，就以為我跟雞頭聯手呃錢。」

由於網絡訊息傳得快，情況對囡囡聲譽影響極大，因此最後小穎狠下決心，謝絕一切中介，情願少接幾個人客，亦不要令自己變得神憎鬼厭！

重整市場

雖然口中對那些新手雞頭感覺煩厭，但小穎也明白他們苦處：「大家都無非為搵餐晏仔，其實我有幾個熟客，最近也問我可唔可以畀佢哋拉客，原來佢哋亦因經濟差而失業，一時間未搵到工作，只好上網搵工，因此想利用呢啲時間去搵啲外快幫補一下。」

事實上，以前做呢類中介角色嘅人，手上至少有近十個囡囡，一啲有資歷嘅，甚至有超過廿個囡囡亦不足為奇！但目前情況，新手就好似打遊擊，求其有一個半個喺手，拉唔到客就放棄，一啲都唔專業，據一位經驗雞頭指，之所以有咁情況，係因為部分囡囡想「升呢」，以為做過囡囡就了解整個行業，唔想再賣肉就搵到錢，佢哋抱住過渡性質心態，假如撈唔掂就回流做囡，結果搞到亂晒龍，相信要客人走晒至可以重整市場。

撰文：祖