撰文：娟娟

改玩花灑浴

唔少日本情侶都鍾意事前嚟個鴛鴦浴，喺放滿暖水嘅浴缸中，互相搽沐浴露，捽吓搓吓，認真過癮，同時亦增添唔少性愛樂趣。不過，水着妹花木衣世就認為呢個前戲玩法相當唔環保。佢話：「與伴侶鴛鴦浴，一來增加情趣，二來透過互相洗擦，能夠增進感情，但實在太浪費食水，要知道用浴缸沖涼比花灑浴嘅水量，高達八成之多，若然係情侶玩鴛鴦浴，用水量就更有可能高出多倍，原因好簡單，為咗保持水溫，有啲人鍾意長開水龍頭，浪費食水之餘，將水加熱亦需要耗用能源，真係非常唔環保㗎！所以，建議大家如非必要都唔好玩，我自己亦會身體力行，勸其他人盡量少玩。其實我覺得鍾意玩鴛鴦浴嘅人，目的只係為咗同伴侶一齊沖涼，順便開心吓，既然係咁，倒不如以花灑浴代替鴛鴦浴，至少慳唔少水嘛！」衣世妹講得冇錯，花灑浴確實比浴缸洗澡慳水得多！

少用潤滑劑

另一方面，好多日本男女都鍾意倣效AV情節，於浴室放番張大水床，並倒上大量潤滑劑，然後玩吓「波地」按摩，兩條肉蟲互相摩擦，呢種滑溜溜嘅感覺，確實令人非常興奮。不過，原來呢種玩法都係非常之唔環保，聽吓水着妹長谷川惠美點講？「呢種玩法，喺AV及風俗店都好常見，但大家知唔知，每一次都有可能影響地球？事關好多種類嘅潤滑劑都屬於石油副產品，其成分難以分解，會對生態環境造成破壞，而且玩完之後又需要用大量清水去洗乾淨，一樣會浪費資源，所以我真係唔希望大家玩呢味嘢。」惠美妹又話，就算一定要玩「波地」按摩，都應該選擇一啲具有環保標籤、講明唔係石油副產品嘅潤滑劑。

少用性玩具

可以增加性生活情趣嘅方法實在太多，例如玩吓性玩具咁，之不過索女似乎都唔太鼓勵呢種玩法，究竟性玩具又同環保有乜關係呢？衣世妹話：「有啲人好鍾意玩性玩具，仲會不時買啲新款嘅玩意返屋企，鍾意玩唔係問題，但弊在佢哋玩完一次就唔要，你知啦！呢啲性玩具唔似得其他物品咁可以轉讓畀人，就算免費送出嚟都唔會有人敢要，最後惟有當垃圾咁掉咗佢，你話係咪好浪費？我個人認為，想性事刺激啲，唔一定要利用性玩具，只要懂得技巧，淨係利用手口一樣可以製造刺激快感，玩少啲玩具，就等於減少製造垃圾，而且荷包都慳唔少添！」阿妹呢個講法都算有道理，但對於嗰啲性用品商就真係多得佢唔少喇！