小娟、阿花同肥然一組，入咗一個爺爺房裏，呢個爺爺明顯九唔搭八，小娟問東，佢就答西，完全無法溝通。小娟問老人院護士點解個爺爺咁樣，護士姐姐話佢有少少老人癡呆，你哋聽佢講，只要做反應就可以，小娟於是照做，爺爺講過唔停。

期間爺爺突然講咗啲奇怪嘅嘢，佢話：「咪睇爺爺家陣行步路都冇力，我以前後生都好勁㗎！只要我揸住支嘢企出嚟，不知幾多女仔為我尖叫，我當時支嘢比家陣後生仔用嗰啲大好多。」肥然問爺爺有幾大？爺爺望住支汽水：「足足成支2公升汽水咁粗。」小娟三人立即愕然，肥然低頭望望自己，額角有汗滲出。爺爺繼續：「我哋好少出手，但一出手就會施展渾身解數，揸住支嘢舞龍咁舞，舞舞吓就隊去啲女仔把口度，佢哋不知幾開心，你哋想唔想試吓。」小娟即時大叫。

各位聰明嘅朋友，大家估唔估到呢個爺爺喺度講緊乜嘢呢？

選擇：1. 爺爺講緊唱歌支咪

2. 爺爺講緊佢隻右腳

　　　3. 爺爺講緊老花眼鏡

4. 爺爺講緊手提電話

答案：1. 爺爺講緊唱歌支咪

解釋：爺爺唔癡呆得晒，記得小娟同阿花負責唱歌，於是講自己當年唱歌威水史，爺爺一揸支咪上台，就有觀眾尖叫。而當年嘅咪，真係比家陣嘅大好多，爺爺一開始表演，就將個咪舞龍咁舞，而唱到最高潮時，就係歌手先唱一句，之後遞咪畀觀眾一齊唱。最後問小娟試唔試吓，都係怕佢唔相信啫，並無惡意嘅。

小德