車厘子誘惑

小記近日突然有減肥嘅念頭，原因係最近發覺自己愈來愈肥，雖然未至於舉步維艱，但係行多兩級樓梯都有多少喘氣，而且家陣天時暑熱，小記呢種怕熱嘅肥仔真係覺得好辛苦！至於點樣減肥好呢？暫時都仲未有一個完善嘅計劃，而日本水着女優折原美加就表示，多食水果可以幫助減肥，而且仲好誘惑添！

美加話：「你知啦！我哋水着女優要靠副苗條身材搵食，所以一向需要注意飲食健康。當然，要令身材苗條，運動一定唔少得，但係要有明顯效果，就一定要配合健康飲食喇！大家又唔好覺得健康飲食一定要食清淡食物搞到口都寡埋喎！就好似我同好多女優都鍾意食嘅水果餐咁，一樣可以好滋味㗎！而我最鍾意用嚟取代正餐嘅水果就係車厘子喇！車厘子果味濃郁，酸酸地，甜甜地，真係令我食指大動㗎！每次我食車厘子，都會啜一啜佢，動作好有挑逗意味，就算係自己都感受到當中嘅誘惑，仲因而產生多少生理衝動添！」

西瓜壯陽

細細粒，深紅色嘅車厘子又實在會令人聯想起女士嘅蓓蕾，真係諗起都有多少心癢癢。不過對於車厘子，男士們一向都唔多鍾意，唔係嫌棄佢嘅味道，而係嫌佢太細粒，太瑣碎，做開大事嘅男人根本睇佢唔上眼！

呢個時候，水着女優稻垣實花就話：「唔食車厘子，咪食西瓜囉！踏入夏天，正係西瓜盛產之時，一邊吹住冷氣，一邊大啖大啖咁食一片西瓜，真係暑氣全消！老實講，我都好鍾意食西瓜，因為西瓜大大件，一大啖咬落去嘅時候好有快感，甚至有縱情色慾咁興奮！另外，西瓜仲好有食療作用，因為西瓜有利尿清熱效果，食完之後身體嘅濕氣同熱氣都冇晒。仲有呀，早前一個科學研究仲話，西瓜有壯陽作用，男人食多啲就可以改善性功能，所以家陣有科學家已經着手研究，如何提取西瓜入面嘅壯陽成分，再製作壯陽藥，所以男人又點可以唔當佢係寶呀？」

木瓜豐胸

原來西瓜有壯陽功效，咁樣大家都唔好留「口」，一於趁夏天食多啲喇！不過一提起西瓜，小記腦裏面即時會泛現一啲不愉快嘅影像。點解？因為日本AV界有一名叫做風子嘅超巨乳女優，上圍足足有48吋P-cup咁巨型，真係大到好似西瓜一樣！而且風子個樣仲豬扒到不得了！無論係身材同個樣都一樣咁驚嚇，搞到家陣見到西瓜都有多少唔舒服。

折原美加又話：「唔食西瓜，咁咪食木瓜囉！木瓜奶相信男人一定會鍾意啦！」美加繼續話：「木瓜本身含有豐富營養，例如係維他命C，仲有幫助消化、排毒、利二便等作用，對於我哋女仔嚟講，由於木瓜有通乳作用，所以被視為豐胸食品，一直都備受女仔喜愛！另一方面，木瓜所含有嘅酵素對改善身體機能有幫助，甚至可以延年益壽，仲有人話佢可以催情添！所以男士一樣啱食㗎！」

撰文：賢