關鍵在於前奏
先前所講嘅瞻「前」顧「後」，意思其實係前奏，以及事後工夫，據兩位索女所講，呢兩方面係男人經常忽略嘅部分。而索女陽陽認為做愛嗰陣，入正題未必係最重要，反而前奏工夫就一定唔少得，做得唔夠好，隨時影響作戰狀態。
現於澳門帝×桑拿工作嘅陽陽話：「女人好信直覺(o架)！想知道身邊嗰個男友鍾唔鍾意自己，就要睇吓佢嘅前奏放咗幾多心機。舉個例，我先前識咗個男友，做過一次就知佢係一個長跑好手，每次都搞成粒鐘先肯完事，耐力相當驚人，可惜我喺整個過程都冇出現過一次高潮，點解？咪因為佢上到床就話即刻要埋牙，然後好似蠻牛咁一味亂衝亂撞，莫講話毫無前奏，最離譜就係佢全程只係顧住自己享受，完全冇理會過我嘅感受。做完之後，我感覺就好似畀人打咗一身咁，真係骨頭都散，呢種做法你話邊會有癮(o架)！」
陽陽又話，其實前奏對女人非常重要，事關女人高潮反應嚟得比較慢，更需要有充足嘅熱身運動，受到適量刺激之後，女人自然變得投入，繼而做得更放，咁先可以容易到達高潮。
事後工夫唔少得
講完「瞻前」，梗係要講吓點樣「顧後」啦！另一位索女晶晶就認為事後工夫亦非常重要，佢話：「好多男人做完之後，唔係走咗去飲水，就係會煲煙，唔係話呢啲行為有問題，只係站於女人立場，經過一場激烈嘅床上戰鬥之後，總會希望可以同身邊嘅對手攬番一陣，分享高潮所帶嚟嘅滿足同喜悅。而且女人嘅生理反應跟男人有好大分別，多數男人喺一洩過後，就會即時變成軟腳蟹，冇晒性趣，但女人就唔同，就算高潮之後都會繼續有想要嘅感覺，呢種餘波未了嘅狀態，更隨時演變成另一次高潮，你話喇！如果男友做完就走咗去，咁女人會有乜嘢想法呢？」
晶晶又話，其實事後工夫對男人都非常有用，事關呢方面做得好嘅話，就可能會令人生起蠢蠢欲動嘅感覺，隨時梅開二度都唔出奇。
咪玩得太耐
經陽陽同晶晶講解，相信大家都會了解到事前事後嘅工夫都唔可以馬虎了事，之不過索女提醒大家，開心嗰陣要睇時間做人，千祈唔好玩得耐，唔係好易悶親對手。陽陽話：「以前同男友開心嗰陣，佢都會玩成個鐘頭先肯入正題，我覺得實在太耐，間中一、兩次都唔係問題，吓吓都係咁玩就有好大問題，主要原因係會令人覺得好悶囉！」
至於晶晶就話：「我個人覺得前奏大概十至十五分鐘已經非常足夠，太耐會消耗大量體力，影響入正題嗰陣嘅狀態。而事後工夫亦都一樣，玩得太耐嘅話，有可能搞到疲勞過度。」懂得瞻前顧後，以及識得睇時間做愛，相信你都可以成為索女嘅最佳床伴。
撰文：娟娟
攝影：強