合眼緣

南結衣樣靚身材正，係不少水着迷心目中嘅性感女神，如果有幸成為佢嘅男友，絕對係幾生修到！早排南結衣喺電台訪問中剖白揀男友嘅條件。原來佢唔係咁注重對方個樣同家底，而係睇吓對方合唔合眼緣。

乜嘢至叫做合眼緣呢？南結衣笑道：「呢種係一種主觀嘅感覺嚟！我諗可以歸納做幾點，而首要嘅條件就係要乾淨企理。事關儀容好重要，如果畀唔到整潔嘅感覺我，好難同佢有進一步嘅接觸。其次就係要有內涵，佢所講嘅嘢一定要言之有物。有啲男仔自以為口花花，便可以博得女生嘅青睞，但對我嚟講，口花花嘅男生一定唔喺我嘅考慮之列。反而說話有內涵，可以畀到我一種同佢傾偈後可以有所得着嘅男仔，最能打動我嘅芳心。」

啱嘴形

雖然南結衣話就話揀男友講眼緣，但睇落卻發現並唔係咁簡單之餘，要求仲幾多。唔知另一位靚女小町桃子，佢揀男友係咪同南結衣一樣，講求合眼緣呢？小町妹表示：「我覺得啱嘴形至為重要。須知道兩個人喺埋一齊，如果大家冇共同話題嘅話，長遠相處落去非常辛苦。反之，大家可以建立共同嗜好嘅同時，仲可以加深彼此嘅了解，相處自然會更為融洽。」

聽小町妹咁講，咪應該要揀番圈中人會最為理想？事關大家嘅工作環境都差唔多，對大家嘅背景都有所認識，自然可以減少矛盾。點知小町妹搖頭道：「想要有共同話題又唔一定要揀圈中人，反而圈外人會好啲。事關共同話題唔一定係有關工作，只要有共同嗜好，同樣係一個好嘅溝通橋樑，就以我為例，我就希望能夠搵到一個同我一樣熱愛模型嘅男友。」

頻開餐

以為兩位靚女鍾意談情說愛，多於同男友曳曳，點知南結衣卻笑道：「有愛當然唔少得有性啦！不過同我揀男友嘅方針好唔同，如非確定對方係心目中所愛，我斷唔會同佢有任何親密嘅接觸。」點知小町妹呢個時候突然道：「不過當南結衣認定咗對方後，態度就會好唔同！」唔知有乜唔同呢？南結衣面紅道：「既然肯定咗對方嘅地位，梗係要及時行樂，不斷地同男友曳曳。」

小町妹點頭道：「我都係咁話！事關難得搵到一個同你咁合拍嘅男友，梗係唔可以放過佢，日日同佢翻雲履雨。不過話說回來，我對性愛相當節制，事關我希望能夠保持最佳嘅狀態，好讓我應付日常嘅拍攝工作。至於同男友曳曳嘛，最好都係休假嘅時候進行，咁就可以玩得更隨心所欲。」

南結衣小檔案：

出生日期：1990年8月5日

身　　高：156cm

三　　圍：35、23、33

血　　型：A型

興　　趣：睇漫畫

小町桃子小檔案：

出生日期：1987年1月16日

身　　高：160cm

三　　圍：33、24、34

血　　型：A型

興　　趣：砌模型

撰文：阿豪