最近刮王去過一間夜總會，見入面小姐做場騷嘅時候，竟然係全部着上軍人服飾，心諗今次唔係又玩舊節目，玩軍服誘惑咁老土？原來唔係，其實係早前大家都見到曼谷嗰邊混亂嘅時候，軍人對住市民時表現都相當克制，所以亦贏得唔少市民嘅掌聲。亦因為呢個原因，所以夜場亦特別搞咗個多謝騷，全場小姐亦着上一系列軍人服飾為佢哋跳舞，有一點係好重要嘅，就係當晚活動目的，的而且確係為多謝呢班軍人，所以絕對係唔可以賣弄色情，全場小姐更加要着得密密實實，唔作性感打扮以示尊重。

當然，大家對於佢哋嘅表現都十分認同，所以喺呢幾晚活動中，都有唔少當地市民到場參加，目的都係為咗大家飲番杯，開心一下，其實夜場都係希望當地可以平平安安，唔會再有任何事情發生，咁先至唔會阻住大家跳舞。

刮王