即日鮮:矮仔巨人

賓士今日同佢新相識嘅女朋友芬妮約會。芬妮呢個女仔人靚身材好,身高仲有五呎七吋,行出嚟成個模特兒咁款,但可惜賓士生得又醜又矮,連埋對三吋高皮鞋都係得五呎三吋,芬妮着埋高跟鞋嘅話,兩人嘅身高足足相差六七吋咁多。

但咪以為賓士同芬妮出街會好尷尬,事關芬妮一身由賓士送嘅名牌時裝同埋鑽石飾物,全身加起嚟冇一千萬都有幾百萬,令不少女士報以羨慕嘅眼光,而芬妮亦好識做,每次出街一定撓住賓士嘅手臂,態度異常親熱,同樣令唔少男士羨慕不已!今晚係佢哋嘅第七次約會,由於感覺良好,賓士決定向芬妮表白,仲出到一千萬嘅禮金送畀芬妮,芬妮聽到之後開心到不得了,連個口都合唔埋,但係諗深一層,雖然賓士有錢有面,但結婚之後要對佢一世,但係如果……賓士見芬妮面有難色,於是問佢有乜嘢心事?芬妮話:「我哋識咗唔夠兩個月,有好多嘢都唔係咁了解,例如……」賓士問例如乜嘢?芬妮低着頭話:「我擔心喺性方面,一高一低,唔知協唔協調呢?」賓士話:「咁好簡單啫,我哋試一試咪得囉。」

芬妮即時搶住講:「人哋女仔嚟!點可以話試就試,試過你唔要我咪好蝕底,不如咁呀!我哋陣間開間房,然後我搵個姊妹嚟同你上床,然後睇吓你嘅性能力。」賓士諗咗一諗,覺得冇蝕底,於是就照芬妮嘅安排去做,好快檢驗員穎詩嚟到。

穎詩身材認真冇得頂,樣子都唔錯,只係夜蒲得多,眼圈黑啲,只要打扮吓應該都唔錯。芬妮同佢耳語一陣,穎詩明白自己嘅工作,於是向賓士展開行動。穎詩慣戰沙場,三招兩式就將賓士身上嘅衣服脫得光光,呢個時候,兩囡囡都目瞪口呆。原來賓士個子小小,但天生異稟,那話兒比常人巨型得多,兩個囡囡都為之驚訝,都係穎詩見慣大場面,即刻採取主動,手口並用向巨蟒進攻,但十多分鐘後,巨蟒仍屹立不倒。

穎詩一氣之下將衣服脫光,發動總攻擊,賓士從容應對,三十分鐘後將穎詩打敗,賓士問睇到面紅耳熱嘅芬妮有冇興趣一齊玩,芬妮正慾火攻心,於是乖乖就範,最後一戰定江山,自此乖乖做咗賓士嘅老婆。據講佢嘅好姊妹亦做咗賓士嘅二奶添,所以話咪睇小啲個子矮小嘅朋友,因為奇迹往往會發生喺佢哋身上。

小德