好多北上玩樂嘅老友，除咗經常圍埋談囡囡經之外，最多嘅話題，就係話自己幫襯嘅場有幾咁穩陣，嚴打都唔驚。見佢哋吹水時講到青筋都現晒，唔少老友都信以為真，但最後嚴打真係嚟到，咪一樣畀人查封，所以話根本冇乜嘢「鐵竇」。
喺內地做咗生意廿幾年嘅老王就最清楚行情，佢話：「間間夜場臨開嘅時候，都會拜會當地嘅黑白兩道，做足功課，齊備禮數。有啲老闆更會送啲乾股畀大人物，等佢哋特別關照吓，所以經常聽到話後台係某某高官，某某大隊長就係咁解。」
老王繼續：「以我所知內地嘅掃黃行動，主要有兩類，一種就係當地單位嘅例行掃蕩，每個月有關方面，總會出動幾次，去自己嘅管轄區進行查牌或者掃蕩，而畀人掃蕩嘅夜場，一般都係牌照唔齊或者冇要求特別關照嘅夜場，每次都拉唔少人。」
咁另一種呢？老王話：「就係由更高單位下達嘅命令，呢啲命令可大可小，嚴重嘅可以全面封殺，所有夜場一間不漏，輕嘅可能都要封兩三間嚟以儆效尤，至於封邊間，真係話唔埋，上頭話邊間就邊間，下級冇得異議，只得服從命令。」
咁啲星級大酒店裏面嘅夜場，會唔會好啲呢？老王話：「呢啲場一般都牌照齊備，而且係納稅大戶，加上警報設施齊備，只要有人一入門口，就有足夠時間通知走鬼，所以只要夜場本身玩得唔太過出位，一般都會冇事，但存心做你則另當別論。」
老王回憶：「聽得當年東莞有間酒店場，因為玩得太過出位，驚動咗上級，於是由上級親自帶隊掃蕩，保安得知即刻通知客人，以為可以避過一劫，點知有三間房已經有臥底探員放蛇，全部人贓並獲，最後使咗唔少錢一樣難逃釘牌封舖嘅命運。」所以老王總結話：「返上內地玩，咪信人哋講係唔係鐵竇，最緊要靠雙眼，牌照齊全、少打架生事嘅夜場，就好少畀人查牌，囡囡玩得唔過火出位，就少畀人封舖，萬一真係失手被擒，記得篤晒啲經理媽咪出嚟，同警方合作，有時做吓衰仔都要。」
小德